Муовини Директори молиявии Эсхата — Далер Содиқов ба муносибати 35-солагии Истиқлолияти давлатии Тоҷикистон бо ду Ифтихорнома қадрдонӣ гардид

Ба муносибати ин рӯйдоди муҳим, муовини Директори молиявӣ - сардори Шӯъбаи муносибатҳои байналмилалии ҶСК «Бонки Эсхата» Далер Ҷӯраевич Содиқов бо мукофотҳои олии давлатӣ ва соҳавӣ қадрдонӣ гардид.

Барои меҳнати бисёрсола ва самаранок, маҳорати баланди касбӣ ва саҳми арзанда дар таҳкими низоми молиявии кишвар Далер Содиқов бо Ифтихорномаҳои зерин сарфароз гардид:
- Вазорати молияи Ҷумҳурии Тоҷикистон — барои фаъолияти фаъол ва самаранок, ташаббускорӣ ва саҳм дар рушди низоми молиявии давлат;
- Мақомоти иҷроияи ҳокимияти давлатии вилояти Суғд — барои фаъолияти арзанда дар рушди иқтисодиёт, таҳкими инфрасохтори бонкӣ ва иштироки фаъол дар ташаббусҳои созандаи минтақа.

Эътирофи дастовардҳои касбии роҳбарияти ҶСК «Бонки Эсхата» дар сатҳи ҷумҳуриявӣ ва вилоятӣ аз сатҳи баланди касбияти дастаи бонк, садоқати он ба рушди иқтисоди миллии кишвар ва таҳкими эътимод миёни бонк ва ниҳодҳои давлатӣ шаҳодат медиҳад.

Роҳбарият ва кормандони Эсхата Бонк - Далер Ҷӯраевичро ба муносибати ин мукофотҳои арзанда самимона табрик намуда, ба ӯ дар фаъолияти минбаъдаи касбӣ муваффақиятҳои нав ва комёбиҳои бештарро баҳри рушди низоми молиявии Ҷумҳурии Тоҷикистон орзу менамоянд!