Мо дастгирӣ ва рушди соҳибкории занонро тақвият мебахшем

Мо иштирокчии тренинги минтақавии "Дастури кор бо бозори занони соҳибкор: таҳияи стратегия барои тиҷорати хурду миёна ва микро, ки аз ҷониби занон роҳбарӣ мешавад" гардидем, ки аз  ҷониби БАТР дар якҷоягӣ бо “Financial Alliance for Women” аз 18 то 20 ноябр дар Самарқанд ташкил карда шуд.
Чорабинӣ аз ҷониби Бонки Аврупоии Таҷдид ва Рушд (БАТР) ташкил карда шуд ва ба таҳияи стратегияҳои муассир барои дастгирии корхонаҳои микро, хурд ва миёна, ки аз ҷониби занон идора карда мешаванд, бахшида шудааст.
Дар доираи тренинги 3-рӯза иштирокчиён равишҳои муосирро ба ташаккули моделҳои устувори тиҷорат, воситаҳои фарогирии молиявӣ ва механизмҳои тавсеаи имкониятҳои иқтисодии занони соҳибкор омӯхтанд.
Дар тренинг намояндагони ташкилотҳои молиявӣ аз Тоҷикистон, Ӯзбекистон, Қирғизистон, Қазоқистон, Муғулистон ва дигар кишварҳо иштирок намуда, барои табодули таҷриба ва ҳамкории минтақавӣ майдони беназир фароҳам оварданд.
"Мо итминон дорем, ки донишҳои бадастомада барои барномаҳо ва ташаббусҳои нав, ки ба дастгирии занон дар Тоҷикистон равона шудаанд, асос хоҳанд шуд" гуфт менеҷери рушди қарздиҳии занон ва соҳибкорони ҷавони Эсхата Бонк Муборакхон Аҳророва.
Иштирок дар тренинг як қадами муҳим дар таҳкими саҳми Эсхата Бонк дар рушди соҳибкории занон, ҷорӣ кардани қарорҳои инноватсионӣ ва фароҳам овардани имкониятҳои нав барои тиҷорати бонувони  минтақа буд.
Тренинг дар доираи татбиқи "Кодекси маблағгузории занони соҳибкор" (We Finance Code), ки дар Саммити Молиявии Осиеи Марказӣ имзо шудааст, гузаронида шуд.

Эсхата - мо сармоягузориро ба нерӯи занон ва тавонмандсозии онҳо идома медиҳем